နိုင်ငံတကာတွင် ထိတ်လန့်တုန်လှုပ်ခဲ့ရသည့် ဆစ်ဒနီကော်ဖီဆိုင် စီးနင်းမှု

နိုင်ငံတကာတွင် ထိတ်လန့်တုန်လှုပ်ခဲ့ရသည့် ဆစ်ဒနီကော်ဖီဆိုင် စီးနင်းမှု
***********************************************************************
ကော်ဖီဆိုင် ပြန်ပေးဆွဲသူ Man Haron Monis သည် ပြီးခဲ့သည့်နှစ်က သူ၏ ဇနီးဟောင်းကို သတ်ဖြတ်မှုတွင် ပါဝင် သည်ဟု စွပ်စွဲခံခဲ့ရပြီး အာမခံဖြင့် လွတ်မြောက်နေသူဖြစ်သည်။ ၁၉၉၆ ခု နှစ်တွင် အီရန်နိုင်ငံမှ သြစတြေးလျနိုင်ငံသို့ ရောက်ရှိလာခဲ့ပြီး ရှိတ်ဟာရွန် (Sheikh Haron) ဆိုသည့် အမည်ကို ခံယူခဲ့သည်
.
သြစတြေးလျနိုင်ငံ ဆစ်ဒနီမြို့ရှိ ကော်ဖီဆိုင်တခုကို ဒီဇင်ဘာလ ၁၅ ရက်နေ့က အီရန်လူမျိုး သေနတ်သမားတဦးက ၀င်ရောက် စီးနင်းခဲ့ပြီး ဓားစာခံ အနည်းဆုံး ၁၇ ဦးခန့်ကို ဖမ်းဆီးထိန်းသိမ်းထားခဲ့ရာမှ သြစတြေးလျရဲတပ်ဖွဲ့၏ ၀င်ရောက် စီးနင်းမှုကြောင့် ပြန်ပေးဆွဲသူ အီရန်လူမျိုးသေနတ်သမားနှင့် ဓားစာခံ ၂ ဦး သေဆုံးသွားပြီး ကော်ဖီဆိုင်စီးနင်းမှုမှာလည်း စိုးရိမ်ထိတ်လန့်မှု၊ ၀မ်းနည်းမှုများစွာဖြင့် အဆုံးသတ်သွားခဲ့ပြီဖြစ်သည်။
.
အီရန်လူမျိုး သေနတ်သမားသည် ဒီဇင်ဘာလ ၁၅ ရက်နေ့တွင် ဆစ်ဒနီမြို့ရှိ Lindt ကော်ဖီဆိုင် ကို ၀င်ရောက်စီးနင်းခဲ့ပြီး ဓားစာခံများကို ၁၆ နာရီကျော်ကြာဖမ်းဆီးသိမ်းပိုက်ထားခဲ့သည်။ ဒီဇင်ဘာလ ၁၆ ရက်နေ့ ဒေသစံတော်ချိန် မနက် ၂ နာရီ ခန့်တွင် သြစတြေးလျကွန်မန်ဒို တပ်ဖွဲ့ဝင်များက မောင်းပြန်သေနတ်များ၊ လက်ပစ်ဗုံးများဖြင့် ပစ်ခတ်၍ ကော်ဖီဆိုင်အတွင်း စီးနင်းဝင်ရောက်ခဲ့သည်။ အာဏာပိုင်များက ကော်ဖီဆိုင်ကို ၀င်ရောက်စီးနင်းပြီးနောက် ဗုံးရှင်းလင်းရေးတပ်ဖွဲ့နှင့် ရှာဖွေ ရေး စက်ရုပ် များဖြင့် ရှင်းလင်းရေး ဆောင်ရွက်ရာ ကော်ဖီဆိုင်အတွင်းတွင် ပေါက်ကွဲစေတတ်သည့် ပစ္စည်းမတွေ့ရှိရဟု အာဏာပိုင်များက သတင်းထုတ်ပြန်ခဲ့သည်။
.
သြစတြေးလျ ၀န်ကြီးချုပ် Abbott က ကော်ဖီဆိုင် ၀င်ရောက်စီးနင်းမှုတွင် ဓားခံများ သေဆုံးရမှုနှင့်ပတ်သက်၍ “ကျနော် တို့ရဲ့ အတွေးတွေနဲ့ ဆုတောင်းတွေက သေဆုံးသွားတဲ့ ဓားစာခံတွေရဲ့ မိသားစုတွေ၊ ဒဏ်ရာရရှိသူတွေနဲ့ အခြား ဓားစာခံ တွေနဲ့ အတူရှိနေပါတယ်” ဟု သူ၏ Twitter စာမျက်နှာတွင် ရေးသားခဲ့သည်။
.
သေဆုံးသွားသော ဓားခံ ၂ ဦးမှာ ကလေး ၃ ဦး၏ မိခင် အသက် ၃၈ နှစ်အရွယ် Katrina Dawson နှင့် ကော်ဖီဆိုင် မန်နေဂျာ အသက် ၃၄ နှစ်အရွယ် Tori Johnson တို့ဖြစ်ပြီး ကော်ဖီဆိုင်ကို ၀င်ရောက်စီးနင်း ပြန်ပေးဆွဲခဲ့သူ သေနတ် သမားမှာ အသက် ၅၀ အရွယ်ရှိ Man Haron Monis ဖြစ်သည်။ ဓားစာခံ ၂ ဦး သေဆုံးမှုသည် ပြန်ပေးဆွဲသူ၏ ပစ်ခတ် မှုကြောင့် (သို့မဟုတ်) ရဲတပ်ဖွဲ့၏ ၀င်ရောက်စီးနင်းပစ်ခတ်မှုကြောင့် သေဆုံးခဲ့ရသည် ဆိုသည်ကိုမူ အာဏာပိုင်များ တရားဝင် ထုတ်ဖော်ပြောဆိုခြင်းမရှိပေ။
.
ကော်ဖီဆိုင် ၀င်ရောက်စီးနင်းမှုတွင် ပြန်ပေးဆွဲခံရသော ဓားစာခံ ၁၇ ဦးတွင် ၄ ဦး ဒဏ်ရာရရှိခဲ့ပြီး ၆ ဦးမှာ ၀င်ရောက် စီးနင်း စဉ်အတွင်း ဒဏ်ရာအနာတရ မရရှိဘဲ ထွက်ပြေးလွတ် မြောက်လာခဲ့သည်။ ရဲအရာရှိတဦးမှာမူ မျက်နှာတွင် သေနတ် ဒဏ်ရာ ရရှိခဲ့ပြီး လတ်တလော အခြေအနေ ကောင်းမွန်ကာ အသက်အန္တရာယ်မရှိဟု သိရသည်။
.
လွတ်မြာက်လာသူများထဲမှ ဆေးကုသမှုခံယူရန် လိုအပ်သူများကို ဂရုတစိုက်ကုသပေးနေပြီး ၎င်းတို့၏ မိသားစုများလည်း အတူ ရှိနေကြသည်ဟု ရဲတပ်ဖွဲ့က ဆိုသည်။ ခြေထောက်တွင် သေနတ်ဒဏ်ရာ ရရှိခဲ့သော ဓားစာခံ တဦးသည် ဆစ်ဒနီ မြို့ရှိ Royal North Shore ဆေးရုံ၌ တက်ရောက်ကု သမှု ခံယူနေပြီးယင်းလူနာသည် အသက်အန္တရာယ် စိုးရိမ်ရ သည့် ဒဏ်ရာများရရှိခဲ့သော်လည်း ယခုအချိန်တွင် ကျန်းမာရေး အခြေအနေ တည်ငြိမ်နေပြီဟု သိရှိရသည်။
.
ကော်ဖီဆိုင် ပြန်ပေးဆွဲသူ Man Haron Monis သည် ပြီးခဲ့သည့်နှစ်က သူ၏ ဇနီးဟောင်းကို သတ်ဖြတ်မှုတွင် ပါဝင် သည်ဟု စွပ်စွဲခံခဲ့ရပြီး အာမခံဖြင့် လွတ်မြောက်နေသူဖြစ်သည်။ ၁၉၉၆ ခု နှစ်တွင် အီရန်နိုင်ငံမှ သြစတြေးလျနိုင်ငံသို့ ရောက်ရှိလာခဲ့ပြီး ရှိတ်ဟာရွန် (Sheikh Haron ) ဆိုသည့် အမည်ကိုခံယူခဲ့ သည်။
.
လန်ဒန်အခြေစိုက် ပါရှန်းရုပ်မြင်သံကြားလိုင်းတခုဖြစ်သည့် Monota 1 က Man Haron Monis သည် အီရန်နိုင်ငံရှိ ခရီး သွားလုပ်ငန်းတခုတွင် အုပ်ချုပ်မှုဒါရိုက်တာအဖြစ် တာဝန်ထမ်းဆောင်ခဲ့ပြီး သူ၏ ဖောက်သည်များထံမှ အမေရိကန် ဒေါ်လာ ၂၀၀၀၀၀ အလွဲသုံးစားပြုလုပ်၍ ထွက်ပြေးတိမ်းရှောင်လာခြင်း ဖြစ်သည်ဟု ထုတ်လွှင့်ခဲ့သည်။ ပြစ်မှုအတွက် မိ ခင် နိုင်ငံသို့ ပြန်လည် လွှဲပြောင်းပေးအပ်ခြင်း မခံရစေရန် ဒုက္ခသည်ခံယူကာ အကာအကွယ်ယူခဲ့ သည်ဟု သိရှိရသည်။
.
သူသည် အရှေ့အလယ်ပိုင်းတွင် တာဝန်ထမ်းဆောင်ရင်း သေဆုံးခဲ့ရသော သြစတြေးလျစစ်သားများ၏ မိသားစုများထံသို့ စော်ကား နှောင့်ယှက်သည့် စာများ ရေးသားပေးပို့ခဲ့သည့်အတွက် အာဏာပိုင်များက သူ့ကိုကောင်းစွာ သတိထား မိခဲ့ကြသည်။ သူသည် အစွန်းရောက် ၀က်ဘ်ဆိုက်တခု လွှင့်တင်ထားပြီး ယင်းဝက်ဘ်ဆိုက်၊ YouTube ၊ Facebook နှင့် Twitter စာမျက်နှာများတွင် ရဲတပ်ဖွဲ့ကို တိုက်ခိုက်ရေးသားခဲ့သည်။
.
၂၀၀၉ ခုနှစ် နိုဝင်ဘာလ ၁၀ ရက်နေ့တွင့် တရားရုံးသို့ သူ၏ ရှေ့နေများနှင့် အတူ Man Haron Monis ရောက်ရှိလာပြီး သူ သည် ငြိမ်းချမ်းရေး လှုပ်ရှားသူတဦးသာဖြစ်ကြောင်း ထုချေရှင်းလင်းခဲ့၏။ တရားရုံးများက သူ့ကို စစ်သည်မိသားစုများထံ သို့ စာရေးသားပေးပို့ ခြင်းအပါအ၀င် သူ၏ ဆန္ဒပြလှုပ်ရှားမှုများကို တားမြစ်ခဲ့သည်။
.
၂၀၁၁ ခုနှစ် ဒီဇင်ဘာလအတွင်းတွင် ဆစ်ဒနီရှိ ရာဇ၀တ်မှု အယူခံတရားရုံးသို့ ရောက်လာပြီး သူ့အပေါ်စွပ်စွဲခဲ့သော အမှု များသည် တရားမ၀င်ကြောင်း၊ သူ၏ ရပိုင်ခွင့်နှင့် အခြေခံလွတ်လပ်ခွင့်များကို ချိုးဖောက်ခြင်းသာ ဖြစ်ကြောင်း အသနားခံခဲ့ သော် လည်း အဖွဲ့ဝင် ၃ ဦးပါဝင်သည့် စုံညီခုံရုံးက တညီတညွတ်တည်း ပယ်ချခဲ့သည်။
.
သြစတြေးလျ တရားရုံးချုပ်သို့ ထပ်မံအသနားခံသည့် အခါတွင်လည်း တရားသူကြီး ၆ ဦးက တဖက် ၃ ဦးစီဖြင့် ၎င်း၏ အမှုအပေါ် သဘောထားကွဲလွဲမှုရှိခဲ့သည်။ ပုံမှန်အားဖြင့် တရားသူကြီး ၇ ဦးရှိသည့် တရားရုံးချုပ်တွင် တရားသူကြီး တဦးနေရာ လစ်လပ်နေသည့် အတွက် Man Haron Monis ၏ အယူခံသည် မဲအများစုဖြင့် ဆုံးဖြတ်နိုင်ခြင်း မရှိဘဲ သူ့ကို တားမြစ် ပိတ်ပင်ထားသည့် အောက်တရားရုံး၏ အမိန့်က ဆက်လက် အတည်ဖြစ်နေခဲ့သည်။
.
Man Haron Monis သည် လူသတ်မှုတွင် ပါဝင်သော်လည်း အာမခံနှင့် လွတ်မြောက်နေမှုကြောင့် မေးခွန်းများနှင့် ရင်ဆိုင်နေရသော New South Wales ပြည်နယ် ရှေ့နေချုပ် Brad Hazzard က သူ လွတ်မြောက်နေမှုကို စုံစမ်း စစ်ဆေးမည်ဖြစ်ကြောင်း ပြောဆိုသည်။
.
“သူဘယ်လို လွတ်မြောက်နေတယ်ဆိုတာကို သေသေချာချာ စစ်ဆေးဖို့ ပြည်နယ်က အစိုးရဌာနတွေနဲ့ ဖက်ဒရယ်ဌာန တွေကို တောင်းဆိုထားပါတယ်” ဟု သူက သတင်းထောက်များကို ပြောသည်။ သက်ဆိုင်ရာဌာနများက မည်သည့် အတွက် ကြောင့် Man Haron Monis ကို အလေးမထားမိခဲ့သည်ကို အရေးကြီးဖော်ထုတ်ရမည် ဖြစ်ကြောင်းနှင့် သူ့ကို သတိမပြုမိခဲ့သည့် အတွက် ယခုကဲ့သို့ ကော်ဖီဆိုင် စီးနင်းမှု လုပ်ခွင့်ပေးလိုက်သလို ဖြစ်သွားသည်ဟု Brad Hazzard က ထပ်ပြောသည်။
.
Man Haron Monis သည် သူ၏ဇနီးဟောင်းကို သတ်ဖြတ်မှုတွင် အလိုတူအလိုပါ ဖြစ်သည်ဟု စွဲချက်မှ အာမခံဖြင့် လွတ် မြောက်နေသလို ဒါဇင်နှင့် ချီသော လိင်ပိုင်းဆိုင်ရာ နှောက်ယှက်စော်ကားမှုများ ကျူးလွန်ခဲ့သည်ဟုလည်း စွပ်စွဲမှုများဖြင့် ရင် ဆိုင်နေရသူဖြစ်သည်။
.
၂၀၁၄ ခုနှစ် မတ်လ ၁၄ ရပ်နေ့တွင် ငယ်ရွယ်သောမိန်းကလေး တယောက်ကို လိင်ပိုင်းဆိုင်ရာ နှောင့်ယှက်စော်ကားမှု ဖြင့် Man Haron Monisသည် အာဏာပိုင်များ၏ ဖမ်းဆီး တရားစွဲဆိုခြင်း ခံရပြန်သည်။ ဒေသတွင်း သတင်းစာ တစောင်တွင် သူ့ကိုယ်သူ “နက္ခတ ဗေဒင်၊ ဂဏန်းဗေဒင်၊ ကမ္မဌာန်း နှင့် မှော်ပညာကျွမ်းကျင်သူ” အဖြစ် ကြေညာခဲ့၍ အဆိုပါ မိန်းကလေးက သူ့ထံတွင် ဗေဒင်မေးရန် ရောက်ရှိလာခြင်းဖြစ်ကြောင်း သိရှိရသည်။
.
Man Haron Monisက သူ့အပေါ်စွပ်စွဲမှုများသည် စစ်မှန်သော ရာဇ၀တ်ပြစ်မှုများ မဟုတ်ဘဲ အစ္စလမ်တက်ကြွလှုပ်ရှားသူ တဦးကို နိုင်ငံ ရေးအရ တိုက်ခိုက်ခြင်းဖြစ်သည်ဟု သူ၏ အွန်လိုင်းစာမျက်နှာများတွင် ဖော်ပြခဲ့သည်။
.
Man Haron Monis ၏ ရှေ့နေဖြစ်သော Manny Conditsis က သူကြုံတွေ့နေရသော ဥပဒေရေးရာ ဒုက္ခများ ကြောင့် ယခု ကဲ့သို့ အကြမ်းဖက်မှု ဖြစ်စေခဲ့သည်ဟု ဆိုသည်။
.
“ဒါတွေအားလုံး စုံသွားတဲ့ အခါကျတော့ နောက်ဆုံးမှာ သူ့ကို အစွန်းတဖက်ကို တွန်းပို့လိုက်သလို ဖြစ်သွားနိုင်ပါတယ်။ ကျနော့် အမြင်မှာတော့သူက အယူအဆ ပြင်းထန်သူ တယောက်ပါ။ သူ့မှာ ပြင်းထန်တဲ့ အမြင်ရှိတယ်။ ဒါပေမယ့် ရန်လိုတဲ့ လုပ်ဆောင်မှုတွေ အကြောင်း သူတခါမှ မပြောဖူးပါဘူး” ဟု Manny Conditsis ကပြောသည်။
.
ကော်ဖီဆိုင်စီးနင်းမှုသည် ISIS အကြမ်းဖက်အဖွဲ့၊ အယ်ကေဒါ အကြမ်းဖက်အဖွဲ့အစည်းများနှင့် ဆက်စပ်မှုရှိသည်ဟု အစောပိုင်းသတင်းများတွင် ဖော်ပြခဲ့သော်လည်း ယခုအချိန်အထိ အကြမ်းဖက်အဖွဲ့အစည်းများနှင့် ဆက်စပ်မှု ရှိ၊ မရှိ သေချာ ရှင်းလင်းစွာ မသိရှိရသေးပေ။ ဓားစာခံများကမူ ပြန်ပေးဆွဲသူသည် Islamic State of Iraq and Syria (ISIS) အဖွဲ့ ၏ အလံနှင့် ဆင် တူသော အလံတခုကို ကိုင်ထားကြောင်း ပြောဆိုကြသည်။
.
ISIS အဖွဲ့သည် သြစတြေးလျနှင့် အနောက်နိုင်ငံများတွင် တိုက်ခိုက်မှုများပြုလုပ်မည်ဟု ကြေညာထားသော်လည်း Man Haron Monis သည် ISIS နှင့် ဆက်နွယ်သည့် တကိုယ်တော်အကြမ်းဖက်သမား တဦးအဖြစ် မသတ်မှတ်နိုင်ကြောင်း အမေရိကန် အစိုးရ၏ အကြမ်းဖက်မှုတန်ပြန်တိုက်ဖျက်ရေး အကြံပေး ပုဂ္ဂိုလ်ဟောင်းလည်းဖြစ်၊ ABC သတင်းဌာန ၏ အကြံပေးလည်းဖြစ်သူ Richard Clarke ကပြောသည်။ သို့သော်လည်း ISIS ၏ လူသိများမှုကို အခွင့်အရေးယူလိုသော စိတ်ပိုင်းဆိုင်ရာ ပြဿနာရှိသူ တယောက်ဖြစ်နိုင်သည်ဟု သူကဆိုသည်။
.
“တခြားစိတ်ပိုင်းဆိုင်ရာ ပြဿနာရှိသူတွေ လုပ်တတ်ကြသလို ရဲအဖွဲ့ရဲ့ လက်ချက်နဲ့ ကိုယ့်ကိုယ်ကို သတ်သေတာမျိုးလို့ ကျနော် ထင်ပါတယ်။ ခုချိန်မှာက တကယ်လို့ သူတို့က သူတို့ဟာ အကြမ်းဖက် သမားဖြစ်ပါတယ်။ ISIS သို့ မဟုတ် Al Qaeda နဲ့ အဆက်အသွယ်ရှိပါတယ်လို့ ပြောလိုက်ရင် ဖြစ်ရပ်က ကြီးကျယ်သွားပြီးတော့ မြို့ကိုလည်း ပိတ်ဆို့လိုက် နိုင် သလို နိုင်ငံတကာရဲ့ အရေးစိုက်မှုကိုလည်း ရနိုင်မယ်လေ” ဟု သူက ABC သတင်းဌာနသို့ပြောသည်။
.
Credit : Irrawaddy
.

ကော်ဖီတစ်ခွက် (သို့) ဆစ်ဒနီမြို့လည်က ကမ္ဘာကျော် ပြန်ပေးဆွဲမှု့

ကော်ဖီတစ်ခွက် (သို့) ဆစ်ဒနီမြို့လည်က ကမ္ဘာကျော် ပြန်ပေးဆွဲမှု့ ( ရေးသူ=အရှင်အဂ္ဂဥာဏ-လှည်းကူး)
" ဦးဇင်းအခုဘယ်မှာလဲ၊ မြို့ထဲမှာ ပြန်ပေးဆွဲမှု့ ဖြစ်နေတယ်။ တီဗီက တိုက်ရိုက်ပြနေတယ်။ ဘယ်မှ မသွားနဲ့။ တံခါးလာခေါက်ရင်တောင် ရဲမဟုတ်ရင် ဘယ်သူမှ ဖွင့်မပေးနဲ့။ သတိ ၀ီရိယနဲ့ နေ ......"

စသဖြင့် အသိမိတ်ဆွေတစ်ဦးက ဖုန်းဆက်ပြီး အသိပေးလာပါတယ်။ ကျုပ်က အဲဒီအချိန်က ဆွမ်းစားဖို့ ပြင်နေတဲ့ အချိန်ပေါ့။ ဒါနဲ့ပဲ တီဗီကို ဖွင့်ပြီးကြည့်လိုက်တော့ တီဗီလိုင်း သုံးလေးလိုင်းက တိုက်ရိုက်ပြနေပါတယ်။ အဲဒီထဲက သိလိုက်ပါပြီ။ ဒီကိစ္စက အချိန်တော်တော်ကြာမှ ပြီးမှာပါလို့။ ဘာကြောင့်လဲဆိုတော့ ဒီနိုင်ငံမှာ ကိစ္စသေးသေးလေးကိုပင် အော်ပရေးရှင်းလုပ်ရင် အနည်းဆုံး (၃)နာရီလောက်ကြာတတ်လို့ပါပဲ။ ထင်တဲ့အတိုင်း (၁၇)နာရီလောက်ကြာမှ ပြီးသွားတာပါ။
ဒီအကြောင်းကို မပြောခင် ဒီနိုင်ငံအကြောင်းကို အနည်းငယ်လောက် ပြောပြသင့်ပါတယ်။ ဒီနိုင်ငံမှာ အသက်တစ်ချောင်းကို တော်တော် အလေးထားပါတယ်။ လူ့အသက်သာမက တိရစ္ဆာန်အသက်လည်း အတူတူပါပဲ။ ဥပမာတစ်ခုပြောရရင် မိတ်ဆွေတစ်ယောက်ရဲ့ အိမ်အဖေါက်ခံရပါတယ်။ ပစ္စည်းတွေလည်း တော်တော်များပါသွားတယ်။ ရဲရောက်လာတော့ ဘာအရင် မေးသလဲဆိုတော့ " လူဘာဖြစ်သွားသေးသလဲ" .....တဲ့။ လူတော့ ဘာမှ မဖြစ်ဘူးဆိုတော့ လူဘာမှ မဖြစ်ရင် ပြန်တော့မယ်။ ပစ္စည်းက ပြန်ဝယ်လို့ ရတယ်တဲ့လေ။
ဟုတ်ပါတယ်။ ဒီနိုင်ငံအစိုးရက အလုပ်မရှိတဲ့ သူအားလုံးကို (၂)ပတ်တိုင်း (၂)ပတ်တိုင်း ဒေါ်လာ-၆၀၀ လောက် ထောက်ပံ့ပါတယ်။ ဒီတော့ ဒီနိုင်ငံမှာ နေထိုင်ကြသူတွေ အများစုဟာ ဘာမှ ပူစရာကို မလိုတဲ့ အခြေအနေမှာ ရှိပါတယ်။ အေးအေးချမ်းချမ်းနဲ့ နေနိုင်ကြပါတယ်။ ဆင်းရဲ ချမ်းသာ မကွဲပြားပါဘူး။ တသားတည်းပါပါပဲ။ ဆိုလိုတာကတော့ အလုပ်မရှိလဲ အစိုးရက ထောက်ပံ့တော့ စားဝတ်နေရေး ဘာမှပူစရာမလိုဘူးပေါ့။ ဒါကြောင့်မို့လည်း ကမ္ဘာအရပ်ရပ်က သြစီ..သြစီ ဖြစ်နေတာပါ။ ဒီသြစီကို မရောက်ရောက်အောင် လာခဲ့ကြတာပါ။
အခုဒီ ပြန်ပေးသမားကလည်း သြစီမှာ နိုင်ငံရေးခိုလုံခွင့်ရပြီး အခြေချနေထိုင်တဲ့သူဖြစ်ပါတယ်။ သူက အီရန်နိုင်ငံသား တရားဟောဆရာတစ်ယောက်ပါ။ မူလက ရှီယိုက်မူစလင်ဖြစ်ပြီး နောက်ပိုင်းမှ ဆွန်နီမူစလင်ကို ကူးပြောင်းခဲ့သူပါ။ သူဟာ မယားဟောင်းကို သတ်မှု့နဲ့ တရားရင်ဆိုင်နေရဆဲလည်း ဖြစ်ပါတယ်။ ပြီးတော့ မိန်းခလေးအယောက် (၅၀)ကျော်ကို လိင်ပိုင်းဆိုင်ရာ ဆော်ကားမှု့တွေနဲ့လည်း တရားဆွဲခံနေရသူပါ။
ဒါပေမယ့် ထူးခြားတာက ဒီလိုလူမျိုးကို အာမခံပေးပြီး အပြင်မှာ နေခွင့်ပေးထားတာပါ။ ပြီးတော့ အကြမ်းဖက်သမားတွေနဲ့ ဆက်နွှယ်မှု့ရှိပြီး စောင့်ကြည့်စာရင်းထဲမှာ သူနာမည်မပါပါဘူး။ ဒါကြောင့်မို့ သြစီဝန်ကြီးချုပ်က ဘာ့ကြောင့် စောင့်ကြည့်စာရင်းထဲမှာ မပါတာလဲဆိုပြီး မေးခွန်းထုတ်ခဲ့ပါတယ်။ ဘာကြောင့် ဒီလိုလူမျိုးကို ဘာကြောင့်အာမခံပေးရသလဲဆိုပြီး တရားစီရင်ရေးကို အားလုံးက ဝေဘန်လျက်ရှိပါတယ်။ နောက်နှစ် ဇန်န၀ါရီလမှာ အသစ်ထွက်မယ့် ဥပဒေနဲ့ဆိုရင် အာမခံမပေးတော့ဘူးလို့ ဆိုပါတယ်။
ဒီတော့ ဒီပြန်ပေးသမားဟာ လက်နက်နဲ့အတူ ချောကလက် အဓိကရောင်းတဲ့ ကော်ဖီဆိုင်ကို ၀င်စီးပါတယ်။ သတင်းအစပိုင်းမှာတော့ အထဲမှာ ဓားစာခံဘယ်နှစ်ယောက်ရှိတယ်၊ ပြန်ပေးသမားက ဘယ်နှစ်ယောက်ပါတယ်ဆိုတာကို အတိအကျ မသိကြပါဘူး။ ရဲကလည်း မထုတ်ပြန်ပါဘူး။ အထူးထရိန်နင်ပေးထားတဲ့ စေ့စပ်ရေးမှူးများကို စေ့စပ်ဆွေးနွေးနေကြောင်း၊ အချိန်ဘယ်လောက်ကြာကြာ ဓားစာခံများ ဘေးကင်စွာ လွတ်မြောက်ရေးသာ အရေးကြီးကြောင်း ရဲက သဘောထားထုတ်ပြန်ပါတယ်။
အဲဒီနေရာရဲ့ ပတ်ခြာလည်မှာ ဘဏ်တွေ၊ စာကြည့်တိုက်တွေ၊ အစိုးရပါလီမန်တွေ၊ ဘုရားရှိခိုးကျောင်းတွေရှိပါတယ်။ ကံကောင်းတာက ချန်နယ်ဆဲလ်ဘန်း တီဗီစတေရှင်က အဲဒီဆိုင်ရဲ့ တစ်ဖက်အခြမ်းမှာ ရှိပါတယ်။ အဲဒီကနေ လှုပ်ရှားမှု့တွေကို တိုက်ရိုက်ရိုက်ကူးနိုင်နေတာပါပဲ။ အဲဒီပတ်ခြာလည်က အဆောက်အဦတွေအပေါ်ကနေ အထူးလက်ဖြောင့်သမားတွေက စနိုက်ပါများနဲ့ စောင့်နေပါတယ်။ တီဗီကတော့ အဲဒီအဆောက်အဦကို အသေပဲ ရိုက်ပြပါတယ်။ အထူးရဲတွေရဲ့ လှုပ်ရှားမှု့တွေကို လုံးဝမလွှင့်ပါဘူး။
သတင်းကြေငြာပေးသူက ဒီလိုလည်း ပြောသွားပါသေးတယ်။ မီဒီယာသမားအနေဖြင့် မည်မျှလောက်သော သတင်းပမာဏကို ပြည်သူတွေကို တင်ပြသင့်သလဲဆိုတာကို အရမ်းပဲ စဉ်းစားပြီး တင်ပြပေးနေရကြောင်းပေါ့။ မြန်မာသတင်းသမားများ အတုယူဖွယ်ပါပေ။ အော်ပရေးရှင်းပြီးတဲ့အခါမှာတော့ ပြသင့်ပြထိုက်တဲ့ အရာတွေကို ထုတ်ပြသွားတာ တွေ့ရပါတယ်။ ပြီးတော့ ဒီကိစ္စမှာ အဲဒီအဆောက်အဦထဲက လူတွေ ဘာပြောနေသလဲဆိုတာကို ဒီဘက်အသံလွှင့်ရုံကနေ တိုက်ရိုက်ကြားတဲ့ ကရိယာတစ်ခုကို အထူးရဲက တပ်ဆင်ခဲ့ပါတယ်။ အဲဒီကရိယာတပ်ဆင်လိုက်တဲ့ အခါမှာ ပြန်ပေးသမားနဲ့ ဓားစာခံတွေရဲ့ အသံတွေကို သဲသဲကွဲကွဲ ကြားရပါတယ်တဲ့။ သတင်းထောက်ကိုယ်တိုင်တောင် ဒါမျိုးကို ပထမဆုံးမြင်ဘူးတာလို့ ၀န်ခံသလို ဒါကို ထုတ်ဖေါ်မပြောသင့်ဘူးလို့ ပြောသွားပါတယ်။ ဒါကတော့ သြစီရဲ့ နည်းပညာအဆင့်မြင့်မှု့ကို ဖေါ်ပြတယ် ထင်ပါတယ်။
ပတ်ခြာလည် အဆောက်အဦထဲက လူတွေကို ဘေးကင်းရာသို့ ခေါ်ထုတ်ပါတယ်။ တီဗီစတေရှင်မှာပင် ကင်မရာမင်းနှင့် တာဝန်ရှိသူတစ်ယောက်ပဲ ကျန်ပါတယ်။ ကျန်တဲ့သူအပြင်ထွက်ရပါတယ်။ ပြီးတော့ ဆစ်ဒနီအော်ပရာဟောက်စ်၊ တံတားကြီး၊ မြေအောက်ကားလမ်းများ၊ ဆစ်ဒနီမြို့တွင်းသို့လာရာ အဝေးပြေးလမ်းမများကို ပိတ်လိုက်ပါတယ်။ ပြီးတော့ ဆစ်ဒနီလေဆိပ်မှ လေယာဉ်များကိုလည်း ဆစ်ဒနီမြို့ပေါ် မပျံသန်းရန် အမိန့်ထုတ်ပါတယ်။ အခြားတစ်ဖက်မှာလည်း ဆေးရုံကားများ၊ မီးသတ်ကားများကို အဆင်သင့် သူ့နေရာနှင့်သူ ထားရှိပါတယ်။
ဒီကိစ္စမှာ ထူးခြားတာက စစ်သားတစ်ယောက်မှ မတွေ့ရတာပါဘဲ။ ဒီကိစ္စကို နယူးဆောက်ဝေးပြည်နယ်ရဲ နဲ့ ဖက်ဒရယ်ရဲတွေက ကိုင်တွယ်ပါတယ်။ ရဲအားလုံးက ဒီလိုကိစ္စတွေ ဖြစ်လာလျှင် အသုံးပြုဖို့ အထူးထရိန်နင် ပေးထားတဲ့ သူတွေချည်းပါပဲ။ ၀န်ကြီးချုပ်ကလည်း အကူအညီအပြည့်အ၀ ပေးမယ်လို့ ပြောထားသလို အမေရိကန်အစိုးရကလည်း စင်္ကာပူမှာရှိတဲ့ သူ့လူတွေကို လွှတ်ပေးမယ်လို့ ကြေညာပါတယ်။
တကယ်တော့ ပြန်ပေးသမားက တစ်ယောက်ထဲပါ။ ဓားစာခံက (၁၇)ယောက်ပါ။ ပထမသုံးယောက်လွတ်လာတယ်။ နောက်ထပ် (၂)ယောက်လွတ်လာပါတယ်။ အော်ပရေး၇ှင်းမလုပ်မီ (၅)ယောက်လောက် လွတ်မြောက်လာတာကို တွေ့ရပါတယ်။ ဒီလိုလွတ်မြောက်တာကလည်း ဓားစာခံတွေထဲက တစ်ယောက်ဖြစ်တဲ့ ဆိုင်မန်နေဂျာ အမျိုးသားတစ်ဦးက သူရဲကောင်းဆန်စွာ သေနတ်သမားကို လှည့်စားနိုင်ခဲ့လို့ပါ။ သူတစ်ခါ လှည့်လေ တစ်သုတ်လွတ်လေပေါ့။
ဒီသေနတ်သမားဟာ မူဆလင်အကြမ်းဖက်သမားဖြစ်ရင်ဖြစ်၊ ဒါမှမဟုတ်ရင် ကမ္ဘာမှာ ထင်ပေါ်ကျော်ကြားလိုမှု့ပဲ ဖြစ်မယ်လို့ အများကတော့ တွက်ဆကြပါတယ်။ ဘာ့ကြောင့်လည်းဆိုတော့ ဒီသေနတ်သမားရဲ့ နေရာရွေးချယ်မှု့ကို ကြည့်ရုံနဲ့ သိနိုင်ပါတယ်။ ဆစ်ဒနီမြို့လည်ကောင်ဖြစ်ခြင်း၊ ကမ္ဘာကျော် တီဗီစတေရှင်ရှိခြင်း၊ ပြီးတော့ အဲဒီကော်ဖီဆိုင်မှာ အဖြူတွေအများစု သောက်သုံးခြင်း၊ အာရဗီစာရေးထားတဲ့ မူစလင်အလံ (အိုင်အက်အလံမဟုတ်)ထောင်ထားခြင်း စတဲ့အကြောင်းတွေကြောင့်ပါပဲ။ စားဝတ်နေရေးကြောင့်တော့ မဟုတ်တာ သေခြာတယ်လေ။
သေနတ်သမားဟာ အထဲက ဓားစာခံတွေကို အသုံးပြုပြီး သူ့ရဲ့တောင်းဆိုချက်တွေကို ယူကျု့မှာ ဗီဒီယိုဖိုင်တင်ခဲ့ပါတယ်။ သူ့ ရဲ့ တောင်းဆိုချက်တွေထဲမှာ သြစီဝန်ကြီးချုပ် သူ့ဆီကို ဖုန်းဆက်ပေးပါ။ ဒါဆိုရင် တစ်ယောက်လွှတ်ပေးမယ်။ အိုင်အက်စ်အလံကို သူလိုချင်တယ်။ ပေးမယ်ဆိုရင် တစ်ယောက် လွှတ်ပေးမယ်။ စသဖြင့်ပေါ့။ မသေခင်လေးမှာပင် သူရဲ့ကိုယ်ပိုင်ဝဘ်ဆိုဒ်မှာတောင် နောက်ဆုံးစာတစ်ကြောင်းတင်သွားပါသေးတယ်။ သူတင်သွားတာကတော့.... အိုင်အက်စ်အလံမဟုတ်ဘဲ အခြားအလံကို ယူသွားမိတာ သူ့အမှားပါ။ တကယ်တော့ အိုင်အက်စ်အလံကို ယူသွားသင့်တာပါ။ အလ္လာအရှင် ခွင့်လွှတ်ပါ...ဟု။ဒါကို ကြည့်ရင် သူဟာ မူစလင်အကြမ်းဖက်အဖွဲ့ဖြစ်တဲ့ အိုင်အက်စ်အဖွဲ့ကဆိုတာ သိနိုင်ပါတယ်။
တကယ်တော့ ရဲက အေးအေးဆေးဆေးနဲ့ ပြီးအောင် အချိန်ဆွဲပြီး လုပ်နေတဲ့သဘောရှိပါတယ်။ ဒါကြောင့် နံနက် ၉နာရီ ၄၅မိနစ်မှသည် နောက်တစ်နေ့နံက် ၂နာရီ ၂၀မိနစ်အထိ (၁၇)နာ၇ီလောက်ကြာတာပေါ့။ ဆစ်ဒနီပြန်ပေးဆွဲမှု့ဟာ ကြာချိန် (၁၇)နာရီလောက်ဖြစ်ပေမယ့် တကယ်တမ်း အထူးရဲက အော်ပရေးရှင်းလုပ်ချိန်က (၃၄)စက္ကန့် နဲ့  အပြီးလုပ်နိုင်ခဲ့တာပါ။ သေနတ်သမားက စပစ်လို့  ရဲက ဆုံးဖြတ်ချိန် ၅စက္ကန့် နဲ့  အော်ပရေးရှင်းက စက္ကန့် (၃၀) ပဲ ကြာပါတယ်။ သေနတ်သမားက ၅-ချက်ပဲ ခုခံလိုက်ရတယ်။ ပွဲပြီးသွားပြီ။ ဒီလိုဝင်ပြီးစီးရတာကလဲ ဓားစာခံတစ်ယောက်ကို သေနတ်သမားက ပစ်လိုက်လို့ပါ။ အကယ်၍ ထက်ပြီးတော့ စောင့်ရင် ပိုပြီးသေကြမှာစိုးလို့ပါ။ ဒါကြောင့် အထူးရဲက ၀င်စီးတာပါ။ ဒီလိုဝင်စီးမှု့ကို တပြည်လုံးက လက်ခံပါတယ်။
သေဆုံးသွားတာက သေနတ်သမားအပါအ၀င် သုံးယောက်ပါ။ သေဆုံးသွားတဲ့ ဓားစာခံတွေအတွက် ပန်းစည်းများချပြီး ဂုဏ်ပြုကြရာတွင် ဆစ်ဒနီတခွင်မှ ပန်းဆိုင်များမှ ပန်းများ ပြတ်လပ်သည်အထိ ဖြစ်သွားပါတယ်။ ယနေ့အထိလည်းလာေ၇ာက်ပြီး ချနေတာတွေ့ရပါတယ်။ ဆီမီးထွန်းခြင်း၊ ဖယောင်းတိုင်ထါန်းခြင်းကိုတော့ ခွင့်မပြုပါဘူး။ မီးလောင်မှာဆိုးလို့ပါ။ လျှပ်စစ်ဖယောင်းတိုင်ကိုတော့ ဝေးဝေးမှာ ထွန်းခွင့်ပြုထားပါတယ်။ တကယ်တော့ သေဆုံးသူနှစ်ယောက်စလုံးဟာ သူရဲကောင်းဆန်စွာ လုပ်ပြသွားခဲ့ကြပါတယ်။
သေဆုံးသူ ယောက်ျားလေးကတော့ သေနတ်သမားကို အကြိမ်လှည့်စားနိုင်ခဲ့ရာ တခါလှည့်စားတိုင်း တစ်သုတ်လွတ်မြောက်အောင် ကြိုးစားနိုင်ခဲ့ပြီး သူ့ အလှည့်မှာ အပစ်ခံခဲ့ရပြီး သေဆုံးသွားတာပါ။ သေဆုံးသူ အမျိုးသမီးကတော့ သူငယ်ချင်းဖြစ်သူ ကိုယ်ဝန်ဆောင်တစ်ဦးကို အကာအကွယ်ပေးရင်း အပစ်ခံရပါတယ်။ သူမဟာ ခလေးသုံးယောက်အမေဖြစ်ပြီး တက္ကသိုလ်ဝင်တန်းကို ဘာသာရပ်တိုင်းမှာ အမှတ်တစ်ရာရရှိခဲ့သူ လူတော်တစ်ယောက်ပါ။ ပြီးတော့ ရှေ့နေမလေးပါ။ ဒါပေမယ့် ဒဏ်ရာကြောင့် မသေဘဲ ရောဂါအခံဖြစ်တဲ့ နှလုံးရောဂါကြောင့်သေဆုံးသွားပါတယ်။
ဒဏ်ရာရရှိသူများကတော့ ရဲတစ်ယောက်၊ ကိုယ်ဝန်ဆောင်အမျိုးသမီး နှစ်ယောက်အပါအ၀င် (၅)ယောက်ရှိပါတယ်။ အခုတော့ စုံစမ်းစစ်ရေးတွေလုပ်နေပါတယ်။ လတော်တော်များများ ကြာမယ်လို့လည်း ကြေငြာထားပါတယ်။
ဒီဖြစ်ရပ်ကြောင့် ဒီသြစီနိုင်ငံအတွက် ဆိုးကျိုးနဲ့ကောင်းကျိုး နှစ်ခုရှိလာပါတယ်။ ဆိုးကျိုးကတော့ မူစလင်မုန်းတီးရေး (အန်တိ-မူဆလင်) အွန်လိုင်းမှာ လုပ်ရှားမှု့တွေ ပေါ်ပေါက်လာတာ တွေ့ရပါတယ်။ ဒါကို ကာကွယ်ဖို့ မသွားရဲ မလာရဲကြသည့် မူစလင်များအား အဖွဲ့ အစည်းမျိုးစုံမှ အားပေးခြင်း၊ ရထားများ ကားများပေါ်တွင် သူတို့ နှင့်အတူ လိုက်လံ၍ စီးနင်းပေးသည့် ကမ်ပိန်းတစ်ခု (‪#‎illridewithyou‬) ဆစ်ဒနီမှာ စတင်လှုပ်ရှားနေပါတယ်။ အတုယူစရာ တစ်ခုပါပေ။ အဆိုးထဲက အကောင်းထွက်လာတဲ့သဘောပေါ့။ နောက်တစ်ခုက အေးအေးချမ်းချမ်းနဲ့ စားဝတ်နေရေး အတွက်မပူရသော်လည်း အခုအခါမှာ အသက်အန္တရာယ်တစ်ခုတိုးလာတာပါပဲ။ ကောင်းကျိုးကတော့ သြစီတရားစီရင်ရေးနှင့် လုံခြုံရေးအားနည်းနေတာကို အားကောင်းအောင်ပြုပြင်ဖို့ အားလုံးသတိထားမိသွားတာပါပဲ။
ဒါကြောင့် ဒီဆောင်းပါးကို အစ္စရေးဝန်ကြီးချုပ်ရဲ့ စကားတစ်ခွန်းနဲ့ အဆုံးသတ်ပါရစေ။ အကြမ်းဖက်မှု့တွေဟာ နယ်စည်းမခြားဘူး.....ဟု။
သေဆုံးသွားတဲ့ သူရဲကောင်းဓားစာခံများ ကောင်းရာသုဂတိလားပါစေ။
အရှင်အဂ္ဂဥာဏ (လှည်းကူး)
ဆစ်ဒနီ၊ သြစတေးလျ
၁၇-၁၂-၂၀၁၄

ဇာဂနာဘာမှ မသိရပါဖူး

ခတ်သတင်း
ခုတစ်ပတ် ပဲ့ တင်သံထဲ က ဆောင်းပါးပါ။
ဇာဂနာဘာမှ မသိရပါဖူး

ဂွတော့ကျနေပြီ။ဇာဂနာနေမထိထိုင်မသာဖြစ်နေပါတယ် ခမျ။ဟုတ်ကဲ့ နေလို့ လဲမထိထိုင်လို့ လဲမသာမယာပေါ့လေ။မခက်ပါလား။ဗမာစကားကလဲတော်တော် တာသွားတာပါ။နေတာတောင် မထိဖူးဆိုတော့ မော်လမြိုင်ဖက်ကစကားထင်ပါရဲ့ ။မထိဖူး၊စားမထိဖူး၊သွားလို့ လဲမထိဖူးဆိုတာမကောင်းဖူးဆိုတဲ့ အနက်ရတာပေါ့ခမျာ။ဇာဂနာထင်တာပြောပါတယ်လေ။ခုလဲနေမထိဖူးဆိုတာနေလို့မကောင်းတာပေါ့လေ။နေမကောင်းတာလို့ ဆိုပြန်တော့ မကျန်းမာတာဖျားတာလိုလိုဖြစ်ပြန်ပါကရော။အမှန်ကတော့ နေလို့ ထိုင်လို့  မသက်မသာမသာမယာတာပေါ့ခမျ။ဒါလဲပဲတိတိကျကျ သဘောပေါက်စရာတော့ မဟုတ်ပြန်ဖူးခမျ။ဒါကြောင့်ပြောတာပေါ့ ဗမာစကားကအဓိပ္ပါယ်လိုရင်းကိုရောက်ဖို့ ဘယ်လိုပြောရမှန်းကိုမသိတာ။
ဇာဂနာမသိတာမတတ်တာလဲဖြစ်မှာပါလေ။သိတဲ့တတ်တဲ့နားလည်တဲ့တတ်ကျွမ်းတဲ့ဆရာ့ ဆရာ ကြီးများကတော့ ဗမာစာဗမာစကားကိုအမျိုးမျိုးလှည့်ပတ်ပြောတတ်လိုက်ကြတာ၊သိတ်အားကျတာပါပဲဗျာ။သူတို့ မို့ လဲပြောတတ်တာပါလေ။ဇာဂနာတို့ ကတော့ မပြောတတ်ပေါင်။ကြည့်လေ၊သမ္မတရဲ့ ပြောရေးဆိုခွင့် ရှိသူကြီးကပြောလိုက်ပုံများ။
“တွေ့ဆုံဆွေးေ နွးမှုနဲ့ပတ်သက်ပြီးအခြေခံ့ချဉ်းကပ်ပုံချင်းကကွာခြားနေတဲ့အတွက် တဲ့ ။”
ကိုင်း၊ ဘယ်လိုသဘော ပါ ကြပါသလဲခမျာ။ဇာဂနာတို့ ကတော့ ပိန်းပါတယ်။တော်တော် ပိန်းပါတယ်။နားကိုမလည်ပါဖူးခမျာ။အခြေခ့ချဉ်းကပ်ပုံဆိုတာကိုကနားမလည်တာပါ။ဒေါ်အောင်ဆန်းစုကြည် ကလေးပွင့်ဆိုင်လို့ တောင်းဆိုတယ်။သမ္မတ က တမူးပိုရှူပြီးဆယ့်လေးပွင့်ဆိုင်လိုက်တယ်။လွှတ်တော် နာယက က လူလည် လုပ်ပြီးခြောက်ပွင့်ဆိုင်တယ်။ပြီးတော့တင်ပြတောင်းဆိုတာက ကြံ့ခိုင်ရေးအမတ်။တစ်ခါ နာမည်ကောင်းယူလိုက်ပုံများကတော့ သင်းလို့ ။ခြောက်ပွင့်ထဲမှာကြံ့ခိုင်ရေးကမပါပါဖူးတဲ့ ။ဟင်၊ဒါဆိုသမ္မတရယ်၊အပေါ်လွှတ်တော် ဥက္ကဌရယ်။အောက်လွှတ်တော် ဥက္ကဌတို့ ရယ်ကဘယ်ပါတီကတုန်းလို့ ။ခြောက်ပွင့်ထဲမှာသုံးပွင့် တောင် ကြံ့ခိုင်ရေးလေ။ရာခိုင်နျှန်းနဲ့ဆိုရင်တော့ ငါးဆယ်ရာနှုန်းပေါ့ခမျာ။ဒါကိုတစ်ခါ သမ္မတဖက်က ငြင်းတယ်ခမျ။
ဒီမိုကရေစီနိုင်ငံဖြစ်ချင်ရင်တော့ သဘောတူတာမတူတာကိုလက်ခံရမှာပေါ့။ဇာ၈နာ တို့ နားလည်ပါတယ်။လက်ခံပါတယ်။နားမလည်တာကအဲဒီပြောခွင့်ရ ဆရာကြီးရဲ့အခြေခံ့ချဉ်းကပ်ပုံဆိုတာကိုပါ။ဘယ်လိုချဉ်းကပ်ရမယ်၊အခြေခံ က ဘာ၊ အဆင့်မြင့် ကဘယ်လိုစသဖြင့်လေးတော့ ဇာဂနာတို့ ကိုသင်ပေးကြပါခင်မျ။ဇာဂနာတို့ က ပိန်းပါတယ်။ဆရာတို့ သင်ပေးလို့တတ်သွားရင်လဲဆရာတို့ ကိုကာမပြန်ပါဖူးခမျ။ဆရာတို့ ကဆရာတို့ ပါပဲလေ။
ဒေါ်အောင်ဆန်းစုကြည် ရဲ့ချဉ်းကပ်ပုံလား။ဆရာတို့ ကြံ့ခိုင်ရေးအမတ် ရဲ့ချဉ်းကပ်ပုံလား။ဆရာတို့  ကြံ့ခိုင်ရေးကနာယက ကြီးရဲ့ ချဉ်းကပ်ပုံလား။မရေမရာမသဲမကွဲကြီးခမျ။ဒီလိုမရှင်းမရှင်းပြောတတ်မှ ပြောရေးဆိုခွင့်ရ ဆရာ ကြီးဖြစ်မယ် ဆိုလဲမရှင်းမရှင်းပြောနည်းသင်တန်းလေးဘာလေးပေးပါဦးခမျ။တက်ချင်လွန်းလို့ ပါ။ဆရာတို့ ကိုနမူနာယူပြီးဇာဂနာပြောကြည့်မိပါတယ်။
“ယေဘူယျဆန်တဲ့ သီးခြားသဘာဝ ဆောင်မှု ကင်းတဲ့ လိုက်လျောဖို့ အလို့ ငှာခက်ဖွယ်ရျိတဲ့ တောင်းဆိုမှုတစ်စုံတစ်ရာကိုရုတ်ချည်းတုန့် ပြန်စကားဖြစ်စေ၊လတ်တလောအကြောင်းပြန်သည် ဟုယူဆခြင်းဖြစ်စေ၊စာသားဖြင့်အကြောင်းပြန်ခြင်းငှာမစွမ်းသာတော့သဖြင့် ယာယီသဘောအရမိမိတို့ ၏ အခြေခံမူဘောင်ထဲမှ ငြင်းဆိုပိုင်ခွင့် ကိုသုံးကာအကြောင်းပြန်လိုက်ရပါကြောင်း”
ကိုင်းသဘောပါကြပါသလား။ဇာ၈နာ တို့ ကတော့ ခတ်ပိန်းပိန်းပဲ၊ဆရာသမားတို့ ကိုအားကျလွန်လွန်းလို့  ပြောထည့်ချ လိုက်ပါပြီခမျ။တစ်ခါ ခုလိုလွှတ်တော် က ပြောတာလဲအဆိုပဲတဲ့ ။သမ္မတကငြင်းလို့ရပါသတဲ့ ။သည် အဆိုကြောင့်  ဆယ့်လေးပွင့်ဆိုင်ဖို့ တောင် နှောင့်နှေးသွားပြန်ပါပြီတဲ့ ။ပြောတတ်လိုက်ပုံများနော်။သမ္မတနဲ့ လွှတ်တော် နာယကနဲ့ က ဘော်ဒါဘော်ကျွတ်တွေပါခမျ။တစ်ဆရာထဲတပည့်တွေပါခမျ။တစ်မိန့် ထဲရဲ့အောက်မှာအတူတူနေခဲ့သူတွေပါခမျ။တစ်မိုးအောက် က လူတွေပါ။
ဇာ၈နာ တို့ ပြည်သူတွေကသူတို့ပြောနေဆိုနေတာတွေကိုကြည့်ြ့ပီးလွှတ်တော် နဲ့ အုပ်ချုပ်ေ၇း မဏ္ဍိုင်တော့ ပွတ်တိုက်ပြန်ပြီလို့ ထင်စရာပေါ့လေ။ခနခနပွတ်တော့လဲပါးတယ် ခမျ။ပါးပါတယ်။အချင်းချင်းမသိတာလိုက်လို့ ၊သန်းတိုးအောင် နဲ့မျိုးလှိုင်ဝင်းတို့ လိုပေါ့ခမျာ။ဘယ်သူ က ဘယ်ကိုပြေးရင် ဘောလုံးဘယ်ကိုပေးရမယ် ဆိုတာအထာနပ်နေသူချင်းပဲဟာ။ဈေးမကြိးကြီးအောင် မူကြပေါ့ခမျ။မူကြပါ၊မူကြပါ။ပွတ်မူပေါ့လေ၊ဖွတ်မူမဖြစ်ဖို့ တော့လိုတာပေါ့ခမျာ။
ဇာ၈နာ တို့ ကတော့ လေးပွင့်ဆိုင်ပဲလုပ်လုပ်၊ဆယ့်လေးပွင့်ဆိုင်ပဲလုပ်လုပ်၊ခြောက်ပွင့်ဆိုင်ပဲ လုပ်လုပ်၊ကြိုက်တာလုပ်။တိုင်းပြည် ငြိမ်းငြိမ်းချမ်းချမ်းတိုးတက်သွားရင် ပြီးတာပါပဲ။အသေအချာတွေးကြည့်ပေါင်းကြည့်လိုက်တော့ စုစုပေါင်း နှစ်ဆဲ့လေးပွင့်ခမျ။ကိုင်ရိုနည်းအရတော့ ပေါင်းခြင်းခြောက် ဂဏန်းရတာပေါ့လေ။ခြောက် ဂဏန်းဆိုတာကအမေကိုကိုယ်စားပြုတာပေါ့ခမျာ။မိခင် ဆိုတဲ့လက္ခဏာခမျ။ဇာ၈နာ ကတော့ သိတ်ကြိုက်ပါတယ်။ပြီးတော့ ပြည်သူတွေကိုချစ်တဲ့ သဘောပါတယ်ပေါ့။ဟော။လေးဂဏန်းကျတော့ ဧကရာဇ် ဘုရင်ကြိးခမျ။အင်ပါယာချဲ့ ထွင်သူလို့  သဘောပါပါတယ်။အာဏာရှင်ဆန်တာပေါ့လေ။ဇာ၈နာ ကတော့ နည်းနည်းကြောက်တတ်တယ်ခမျ။တော်တော်ကြာမင်းတြားကြီးများ ပြန်ပေါ်လာလေမလားပေါ့။သမီးတော် တွေ မြေးတော် တွေဆိုတာ ပါ ပြန်ပေါ်လာရင်တော့ ကွိုင်ပဲလို့  စိုးရိမ်တာပေါ့လေ။
ဒီတော့ ခြောက်ပွင့်က အမေ ၊လေးပွင့်က ဧကရာဇ် ကြီးပေါ့။ဇာဂနာကတော့ စဉ်းစားကြည့်တာပေါ့။ဘယ်နှပွင့်ဆိုကောင်းမလဲလို့ ။ဒီလိုစဉ်းစားမိပါတယ်။ခြောက်ပွင့် နဲ့ လေးပွင့် နဲ့ပေါင်းလိုက်ပါလားခမျာ။ဆယ်ပွင့်ပေါ့။ဒါဆိုဘူပဲ။ ဇာ၈နာ ကတော့ဖဲသမားဆိုတော့လေ။ဖဲစကားပဲပြောတတ်ပါတယ်။ဆရာတို့ လိုကွေ့ကွေ့ကောက်ကောက် လူနားမလည်အောင်တော့မပြောတတ်လို့ ပါ။ဆယ်ပွင့်ဆိုင်လိုက်ပါခမျ။ဘူပွင့်ဆိုင်ပေါ့။မှတ်ရလဲလွယ်ပါတယ်။ပြည်သူတွေရောသမိုင်းဆရာတွေပါနောင်သောအခါ ရေးကြသားကြပြောကြရင် ဘူပွင့်ဆိုင် က ဘူရလာဒ်တွေကိုဘူသမ္မတဘူဥက္ကဌတို့  အကောင်အထည်ဖော်လိုက်တာဘူဖွ့ွဲ့ စည်းပုံကြီးပြင်ပြိးသွာပါလေရောတဲ့ ကွယ် ဆိုဘယ်လောက်ကောင်းမလဲနော့။
ဒါတွေလဲ ဇာ၈နာ သိလို့ ပြောတာမဟုတ်ပေါင်။ဇာ၈နာ့အကိုကြီး စံဇာဏီဘိုပြောပြလို့ သိရတာပါ။တကယ်တော့ဇာဂနာဘာမှ မသိရပါဖူးခမျာ။
ဇာဂနာ
၂၉နိုဝင်ဘာ၂၀၁၄

ေ

ထောင်ကထွက်လို့ သုံးနှစ် အကြာ
အမှတ် (၉)
=============================
ဇာဂနာ

ကနေဒါနိုင်ငံကို ရောက်ရတာလဲ ပြဿနာတွေ အထုပ်ဆွဲ ပါလာဆဲပါပဲ။ ကနေဒါနိုင်ငံ တိုရွန်တို လေဆိပ် စဆင်းကထဲက ပြသနာတွေ တစ်ခုပြီး တစ်ခု တက်လာတော့
တာပါပဲ။ အောတ္တ၀ါမြို့မှာ ကနေဒါ မိတ်ဆွေများ အဖွဲ့က စီစဉ်တဲ့ ပွဲတစ်ပွဲ ရှိနေ
ပါတယ်။ အဲဒီပွဲက အင်ဂျင်နီယာတက္ကသိုလ်မှာလုပ်တာပါ။ ပြီးတော့ ဒေါ်အောင်ဆန်း
စုကြည်နဲ့ Video အမေးအဖြေခန်း တိုက်ရိုက်လုပ်မယ်လို့ ဆိုပါတယ်။ အဲဒီပွဲမှာ
တကယ်လို့ အင်တာနက် အဆက်အသွယ် ခြေချော်လက်ချော် ဖြစ်ခဲ့ရင် အစားထိုးဖို့ ကျွန်တော့်ကို အောတ္တ၀ါ လာစေချင်ပါသတဲ့။
ဖိတ်တာက ကျွန်တော့် သူငယ်ချင်း ဇော်ထူးဦးရဲ့ ညီပါ။ ကျွန်တော် လာတာက တခြားကိစ္စနဲ့ပါ။ ရောက်လာတာကလဲ တိုရွန်တို၊ အောတ္တ၀ါ မဟုတ်ပါဖူး။ တစ်ခါ သည်ဇော်ထူးဦးရဲ့ညီ ကိုတင်မောင်ထူးရဲ့ အစီအစဉ်နဲ့ လာတာမဟုတ်ပါဖူး။ သည်တော့ ခုပဲလေဆိပ် ရောက်၊ နောက်လေယာဉ် တစ်စင်း လက်မှတ်ဝယ်၊ အောတ္တ၀ါကို ချက်ချင်းသွား၊ နောက်တစ်နေ့ မနက်မှာ စောစောကပြောတဲ့ တက္ကသိုလ်မှာ အဆင်သင့်သွား စောင့်နေရလောက်အောင် ကျွန်တော်ဟာ စက်ရုပ်မဟုတ်ပါဖူး။ ဒီလိုလုပ်ချင်ရင်လဲ အစောကြီးတည်းက ကျွန်တော့်အတွက် လေယာဉ်လက်မှတ် ၀ယ်ပို့လိုက်ပေါ့။ ခုတော့ သူများ အစီအစဉ်နဲ့ ရောက်လာတဲ့ ကျွန်တော့်ကို လွယ်လင့်တကူ ကောက်စားလိုက်တာ မျိုးကိုတော့ ကျွန်တော်ဘယ်လို လက်ခံ
ရပါ့မလဲ။ တိုတိုပြောရရင် ကျွန်တော် အဲဒီပွဲကို မတက်နိုင်ခဲ့ပါဖူး။ ဒီတော့လဲ တစ်ချို့ တိုင်းရင်းသား မောင်နှမတွေက ကျွန်တော်ရှိနေတဲ့ဆီကို လိုက်လာ တွေ့ဆုံကြ
ပါတယ်။ သူတို့က တွေ့ချင် မေးချင်တာတွေ တပုံတပင်နဲ့ပေါ့။ ဒါကို ကျွန်တော်
လက်ခံတယ် နားလည်ပါတယ်။ ဒါပေမဲ့ ကနေဒါနိုင်ငံမှာ လေးရက်ပဲ နေခွင့်ရတဲ့
ကျွန်တော့ အနေနဲ့ ဘယ်ကိုမှ အလည် မလိုက်နိုင်ခဲ့ပါဖူး။ နာမည်ကျော် နိုင်ရာဂရာ
ရေတံခွန်ကြီးကိုတောင် လိုက်မကြည့်နိုင်ခဲ့ပါဖူး။ နိုင်ငံခြားရေး ၀န်ကြီးရုံးမှာ
မနက် ၁၀ နာရီကနေ ညနေ ၅ နာရီ လောက်ထိ မရပ်မနား စကားတွေ ပြောခဲ့
ရပါတယ်။ ညကျပြန်တော့ (မှတ်မှတ်ရရ) ဆယ်နာရီ ဆယ်မိနစ်မှာ Pen Canada
က စီစဉ်တဲ့ပွဲ သွားတက်ရပါသေးတယ်။ သူတို့ပေးတဲ့ One Humanity ဆုကို
လက်ခံပြီး ကျွန်တော် ထောင်ထဲမှာ ရေးခဲ့တဲ့ ကဗျာတစ်ပုဒ်ကို ရွတ်ပြ ခဲ့ရပါတယ်။ မြစ်ကြီးနား ထောင်ထဲမှာ ရေးခဲ့တဲ့ ကဗျာပါ။ Where am I?
တဲ့ ။
Where am I?
By the river
Can’t see the river
Where am I?
Under the moon
Can’t see the moon
Where am I?
Just remind the world
That I can’t be involved
Where am I?
ဇာတ်ရုံထဲက ပြန်ထွက်ချိန်မှာ တစ်သက်နဲ့တစ်ကိုယ် တစ်ခါမှ မတွေ့ခဲ့ဖူးတဲ့ ဒူးဆစ်လောက်ထိ မြုပ်နိုင်တဲ့ နှင်းထုကြီးက ဆီးကြိုလို့ ရယ်။ မျက်နှာ တစ်ပြင်လုံး
ကို ရေခဲတုံးနဲ့ တဖုံးဖုံး ပစ်ပေါက် နေသလိုပါပဲ။ နှင်းပြင်ပေါ်မှာ စီးရတဲ့ ဖိနပ်မပါလို့
သုံးခါတိတိ တဗိုင်းဗိုင်း လဲကျတာလဲ တော်တော် အီစလံ ဝေပါတယ်။ အဲသလို
ရုပ်ပျက်နေတဲ့ ကျွန်တော့် အဖြစ်ကို ဘယ်သူသိနိုင်ပါ့မလဲ။ တည်းခိုရာ ဟော်တယ်
ကို ရောက်တော့ ည ၁၂ နာရီ။ မနက် ၅ နာရီမှာ လေယာဉ်ကွင်း ဆင်းရပါတော့
တယ်။
ကနေဒါ နိုင်ငံကနေ အမေရိကန်နိုင်ငံ၊ နယူးယောက်ကို ရောက်ပြန်တော့လဲ တည်းခို
ရမဲ့ နေရာကို မသွားရပါဖူး။ ရေဒီယိုစီတီး (စီးကရက်ပူးလိစ်) ဇာတ်ရုံကြီးကို
တန်းသွားခဲ့ရပါတယ်။ တစ်သက်နဲ့ တစ်ကိုယ် ဒီလောက် ကြီးမားခမ်းနားလှတဲ့
ဇာတ်ရုံကြီးမျိုး သည်တစ်ခါပဲ တွေ့ဖူးပါတယ်။ ကျွန်တော် အ၀တ်လဲရတဲ့ အခန်း
က ခြောက်ထပ်မှာပါ။ ဇာတ်ခုံနဲ့ အ၀တ်လဲခန်းကို ဓာတ်လှေကားနဲ့ အတက်
အဆင်း လုပ်ရပါတယ်။ ရုပ်ရှင်မင်းသားကြီး လီယန်နီဆင်တို့၊ ဟာသမင်းသား
ဘင်စတေလာ၊ ဒရာမာ မင်းသား တင်(မ်)ရိုသ်၊ လူရွှင်တော်ကြီး ဂျွန်စတီးဝပ်၊
ရပ်ဆဲလ် ဘရန်း (ဒ်) တို့နဲ့ ဆုံရတာလဲ တော်တော် ကုသိုလ်ထူးတာပါ။ အော်စကာ
ဆုတွေ တသီတတန်းကြီး ရသွားတဲ့ ရှင်းဒလားလစ်ထဲက မင်းသားကြီး လီယန်နီဆင်
က ကျွန်တော့ကို ပရိသတ်နဲ့ မိတ်ဆက် ပေးရတာပါ။ ကျွန်တော်တို့ဆုံတဲ့ အချိန်မှာ
သူရိုက်နေတဲ့ ဇာတ်ကားအကြောင်း မေးကြည့်တော့ Takenတဲ့။ ခုတော့ သည်
ဇာတ်ကား တအား အောင်မြင်လို့ အပိုင်း (၂)တောင် ရုံတင်နေပါပြီလေ။
Amnesty internationalလို့ ခေါ်ကြတဲ့ ကမ္ဘာ့ လွတ်ငြိမ်းချမ်းသာခွင့် အဖွဲ့ကြီးရဲ့
နှစ် ၅၀ ပြည့်ပွဲ ဆိုတော့လဲ ခမ်းနားတာပေါ့လေ။ ပွဲသိမ်းတော့ ညက ဆယ့်တစ်နာရီ။
ကျွန်တော့် သူငယ်ချင်း စုတ်ဖွားရဲ့ အိမ်ရောက်တော့ သန်းခေါင်။ ဒါပေမဲ့ ကျွန်တော့်
ကို လာစောင့်နေတဲ့ ကျွန်တော့်ညီမောင် အာယုနဲ့ ကိုရင်ထွေးတို့က အိမ်ရှေ့ခန်းမှာ တခေါခေါနဲ့ရယ်။ ကျွန်တော် ရန်ကုန်ကို ပြန်ရမဲ့ လေယာဉ်ပျံက ၀ါရှင်တန်ကနေ
စီးရမှလေ။ သည်တော့လဲ နယူးယောက်ကနေ ၀ါရှင်တန်ဆီ ကားစီးပြီး ပြန်လာ
ခဲ့ရပါတယ်။ ဒီလောက် တစ်နေရာကနေ တစ်နေရာ ကူးချည်သန်းချည် လုပ်နေ
ရတော့လဲ အ၀တ် သေတ္တာတွေ သယ်မနေ အားတော့ပဲ ကြုံရာအိမ်မှာ ထားထား
ပစ်ခဲ့ပါတယ်။ ရန်ကုန်ကို ပြန်လာတဲ့ အခါမှာတော့ ကျွန်တော့် သေတ္တာ နှစ်လုံး
ထဲမှာ စာအုပ်တွေချည်း ပါပါတော့တယ်။ အပိုကြေးပေးပြီး သေတ္တာ နှစ်လုံးကို
ပြန်သယ်လာခဲ့တာပေါ့။ ဘာလက်ဆောင် ပါသလဲလို့ မေးကြရင်တော့ စာအုပ်တွေပဲ ပေးရမှာပေါ့။
တကယ်တမ်း ကျွန်တော်တို့ မြန်မာပြည်က လူတွေ ငတ်နေတာ စာအုပ်ကောင်း
တွေပါ။ နိုင်ငံရေး အရ လေ့လာဖို့လဲ စာအုပ်တွေ လုံလုံလောက်လောက် မရှိ
ဖူးလေ။ စတန်းဖို့ တက္ကသိုလ်က ပရော်ဖက်ဆာ လယ်ရိဒိုင်းမွန်း ပေးလိုက်တဲ့
စာအုပ်တွေ၊ NEDက ပေးလိုက်တဲ့ စာအုပ်တွေ၊ စုစုပေါင်း အုပ်ရေ ခြောက်ဆယ်
လောက် ရှိပါတယ်။ သည်တော့လဲ တခြားမိတ်ဆွေတွေ ပေးလိုက်တဲ့ အင်္ကျီတွေ
ဘောင်းဘီတွေ။ ဖိနပ်တွေကို ကျွန်တော့် ညီမောင် အာယုအိမ်မှာ ထားခဲ့ပြီး ပြန်
လာခဲ့တာပါ။
ဝါရှင်တန်ကနေ၊ ဂျပန်။ တိုကျိုကနေ၊ ဘန်ကောက်ရောက်တော့ ည ၈နာရီ ထိုးပါပြီ။
နောက်တစ်နေ့ မနက် ၈ နာရီထိုးမှ ရန်ကုန်ကို ပြန်ရမှာဆိုတော့ ဘန်ကောက်
လေဆိပ်ထဲမှာပဲ အိပ်ရတော့မှာပေါ့။ ဖြစ်ချင်တော့ ကျွန်တော့်မှာ ထိုင်းနိုင်ငံထဲ
ဝင်ဖို Visa မပါပါဖူး။ ဒေါ်ဘောက်ဂျာကတော့ ဘန်ကောက်မြို့ထဲ ၀င်နိုင်ပါတယ်။
အမေရိကားမှာ ကထဲက သူက Visa လျောက်ခဲ့တာကိုး။ တစ်ခါလေ ယာဉ်
တစ်စင်းနဲ့ တစ်စင်း အချိန် ကွာခြားချက်က ၁၀နာရီကျော်နေ ပြန်တော့ သေတ္တာတွေ
ပြန်ရွေးရမယ်တဲ့။ ပြီးတော့မှ မနက်ကို ထွက်မဲ့ လေယာဉ်ဖြစ်တဲ့ MAI လေကြောင်း
ရုံးမှာ စာရင်း ပြန်သွင်းရမှာတဲ့။ တော်တော် ဇယားရှုတ်တာပဲဆိုပြီး စိတ်တောင် ညစ်မိပါတယ်။ နောက်ပြီး သုဝဏ္ဏဘုမ္မိ လေဆိပ်မှာ ထိုင်း ၀န်ထမ်း တော်တော်
များများဟာ မြန်မာဆိုရင် ဆက်ဆံရေး တော်တော် ကျဲပါတယ်။ မေးတာမြန်းတာ
ကအစ အကြည့်ကအစ နှိမ်ချင်တဲ့ မျက်နှာပေးနဲ့ပါ။ ဖြစ်နိုင်ရင် သူတို့လေဆိပ်မှာ ၀င်ဝင်ပြီး လေယာဉ်ပျံ ပြောင်းစီးရတဲ့ ဒုက္ခကနေ ဝေးချင်လှပါတယ်။ ကျွန်တော် အပါအ၀င် မြန်မာလူမျိုး တော်တော်များများ ထိုင်းလေဆိပ်က လုံခြုံရေးတွေ၊ ၀န်ထမ်းတွေရဲ့ ကျောပြီး ဆက်ဆံတာကို ခံဖူးကြမှာပါ။ ထားပါတော့လေ။
သည်လိုနဲ့ All Nippon air linesမှာသွားပြီး ပစ္စည်းရွေးရ တော့တာပေါ့။
အဲသည်မှာတင် ကျွန်တော့ ရင်ဝကို လောင်ချာ တည့်တည့်မှန်သွားသလို
ခံစားလိုက် ရပါတော့တယ်။
ကျွန်တော့်သေတ္တာတစ်လုံးပါ မလာတော့ပါဖူးတဲ့။
(ဆက်ပါမည်)
ဇာဂနာ
( Tomorrow သတင်းဂျာနယ်အမှတ်(၃၉)