စင်္ကာပူလေယာဉ်ကွင်းက VIP လေယာဉ်များထဲမှ VIPနှစ်စီး

စင်္ကာပူလေယာဉ်ကွင်းက VIP လေယာဉ်များထဲမှ VIPနှစ်စီး
===============
ဦးသိန်းစိန်နဲ့အမေစုတို့ရဲ့ စင်္ကာပူခရီးစဉ်မှာ ကိုယ်တိုင် ကြုံခဲ့ရတဲ့ ကွာခြားပုံ အဖြစ်လေးပါ။Singapore Changi Airport မှာ Ramp Service အဖြစ်နဲ့ ( ၆ ) နှစ်လောက် လုပ်ခဲ့တာဆိုတော့... ကျနော်မလုပ်ဘူးတဲ့ လေယာဉ်က SQ ကလွဲရင် မရှိသလောက်ပဲလို့ ပြောလို့ရတယ်။ တစ်ရက်ကို လေယာဉ်တွေက ရာထောင်ချီပြီး ဆင်းတာလေ။ Air Craft Parking Bay ပေါင်းကလည်း ( ၁၂၀ ) ကျော် ရှိတာဆိုတော့...မှန်းကြည့်ပေါ့ဗျာ။ (၂၄) နာရီလုံး အလုပ်လုပ်ပြီး အကောင်းဆုံးဆုအဖြစ် နှစ်ကြိမ်ရထားဖူးတဲ့ လေယာဉ်ကွင်းပေါ့။ Safety ကိုပေးတာလား၊ ဘာကိုပေးတာလားတော့ တိတိကျကျမသိပါဘူး။

ပြီးတော့... လေယာဉ် အရောင်းပြပွဲကိုလည်း နှစ်စဉ် ပြုလုပ်လေ့ရှိတဲ့ လေယာဉ်ကွင်းပါ။ကျနော်ပြောချင်တဲ့ နိုင်ငံတကာကလာတဲ့ လေယာဉ်တွေထဲမှာ အကုန်လုံးက စိတ်ဝင်စားစရာ လေယာဉ်တွေချည်းပဲ။ ခရီးသည် သီးသန့်တင်တဲ့လေယာဉ်၊ ကုန်တွေချည်းပဲ သီးသန့်တင်တဲ့လေယာဉ်နဲ့ VIP ဆိုတဲ့ လေယာဉ်မျိုးတွေပေါ့။ကျနော်ပြောချင်တာ VIP လေယာဉ်တွေထဲက လုပ်ခွင့်မရခဲ့တဲ့ လေယာဉ်နှစ်စီး အကြောင်းနဲ့ သမ္မတ ဦးသိန်းစိန်စီးတဲ့ VIP လေယာဉ် အကြောင်းပါ။ ဒီနေရာမှာ နဲနဲလောက် ရှင်းပြချင်တယ်။VIP အဖြစ်နဲ့ လာတဲ့လေယာဉ်ဆိုတာ ဘယ်လိုလူမျိုးတွေ စီးတာလဲဆိုတာကိုအရင် ပြောပြချင်တယ်။
VIP လေယာဉ်ဆိုတာ..... နိုင်ငံတကာက သမ္မတတွေ၊ သံအမတ်တွေ၊ ဝန်ကြီးချုပ်တွေ၊ အိမ်ရှေ့မင်းသားတွေနဲ့ အရာရှိတွေချည်းပဲလို့ထင်ရင် မပြည့်စုံသေးပါဘူး။ တခြားသော တိုင်းပြည်အသီးသီးက သူဌေးကြီးတွေလည်း နည်းမျိုးစုံနဲ့လာကြပါတယ်။ သူတို့ရဲ့ပိုင်ဆိုင်မှု ငွေကြေးတွေနဲ့ ရွှေတွေကို "စ" လုံးဘဏ်မှာ လုံခြုံမှု အပြည့်အဝ ရှိတဲ့အတွက် လာအပ်ကြတာပါ။ ( ကျနော်တို့ တိုင်းပြည်လည်း အခြေကျပြီးရင် ဖြစ်လာဖို့
မျှော်လင့်မိပါတယ် )တချို့သော ပိုက်ဆံရှိသူတွေကလည်း VIP ခရီးစဉ်အဖြစ်နဲ့ကျန်းမာရေးအတွက်ဆေးလာကုသလို၊ တချို့သောသူတွေ ကျတော့လည်း... CASINO (လောင်းကစားလုပ်ဖို့အတွက်) ကို လာကြတာပါ။ ဒါတင်မကသေးပါဘူး။ ကမ္ဘာကျော် အားကစားသမားတွေနဲ့ ဒိတ်ဒိတ်ကြဲ အနုပညာရှင်တွေပါVIP လေယာဉ်နဲ့ လာကြတာပါ။ super star တွေချည်းပါပဲ။ဒါပေမယ့်... VIP လေယာဉ်ဆိုပြီး အလွယ်ခေါ်နေပေမယ့်... တိုင်းပြည်ခေါင်းဆောင်တွေရဲ့ VIP ခရီးစဉ်နဲ့တော့ ကွဲပြားတာပေါ့ဗျာ...
အဲ့ဒီမှာ ထူးခြားတာက လူတွေထဲကလူတွေထဲမှာ မပါတဲ့သူတွေလို့ပြောရမလို ဖြစ်နေပြီ။ ဘာလို့လဲဆိုတော့သူတို့ရဲ့ ဂုဏ်အရှိန်အဝါ၊ အောင်မြင်ကျော်ဇောမှုနဲ့ သူတို့ရဲ့ ရာထူးအဆင့်အတန်းတွေက တော်တန်ရုံ ဘယ်လိုနည်းနဲ့မှအနားကပ်လို့ မရနိုင်တဲ့သူတွေလေ။ သူတို့ရဲ့ ဘုန်းတန်ခိုး ကြီးမားပုံကို ပြောပြတာပါ။ဒါနဲ့ စကားမစပ်... ကျနော်တို့ မြန်မာပြည်မှာလည်း "တစ်နေ့တခြား သူ့ဘုန်းကံ မြင့်မားလာကြောင်း" သူ့ကိုယ်သူ ကြွားလုံးထုတ်တဲ့ ဆင်းစီးလိုက်၊ ထီးဖြူဆောင်းပြလိုက်နဲ့ မြောက်ကြွကြွ ဖြစ်နေတဲ့ လူကြီးနဲ့တော့... မိုးနဲ့မြေလောက်ကွာခြားပါတယ်။ ကျနော်ပြောတာ မယုံရင် အဲ့လူကြီးကို ပြည်ပလွှတ်ကြည့်လိုက်ရင်... သိသွားပါလိမ့်မယ်။ (မနာလိုစိတ်နဲ့ ပြောတာမဟုတ်ပါဘူး။ တစ်ခါမှ မကြုံဘူး၊ မကြားဘူးတဲ့ ဘုန်းကံ ကြီးမားသူတွေအကြောင်း ပြောပြတာပါ) သူပြောခဲ့တဲ့ ကျက်သရေမရှိယုံမက တရားဥပဒေကပါ လျစ်လျူရှုခဲ့တဲ့ စကားတစ်ခွန်း မှတ်မိနေပါသေးတယ်။ "သာသနာကို ခု တုံး မ လုပ် ရ ဘူး ဆို လည်း လုပ် သင့် ရင် လုပ် ရ မှာ ပဲ" လို့ ပြောရဲတဲ့ ကြံ့ဖွတ်က ကိုယ်စားလှယ် တစ်ယောက်လည်း ဖြစ်ပါတယ်။ထားလိုက်ပါတော.....Changi Airport မှာ လုပ်နေတဲ့ ကျနော်တို့ မြန်မာတွေရဲ့ စာရိတ္တပိုင်းဆိုင်ရာ ရိုးသားမှုနဲ့ လုပ်ငန်း ကျွမ်းကျင်မှုကလည်း အံ့သြရလောက်အောင် မှတ်ချက်ပေးခံရတာလေ။ ကျနော်တို့မတောင်းဘဲ ပေးခဲ့တဲ့ လေယာဉ်ကွင်း လုံခြုံရေးရဲတွေပေးတဲ့မှတ်ချက်ပေါ့။
Changi လေယာဉ်ကွင်းမှာ မြန်မာလူမျိုးကလွဲရင်... "စ"လုံး၊ မလေး၊ အင်ဒို၊ နီပေါ၊ တရုတ်၊ ဗီယက်နမ် အိန္ဒိယ အစုံပဲ မခိုးဘူးတဲ့ လူမျိုးမရှိဘူး။မခိုးတာ မြန်မာလူမျိုးပဲရှိတယ်။
ဒါဟာလည်း တနည်းအားဖြင့် သူများတိုင်းပြည်မှာ ရောက်နေပေမယ့် ကိုယ့်"အမျိုးဂုဏ်၊ ဇာတိဂုဏ်"ကို စောင့်တာပဲလေ။ စစ်အာဏာရှင် ဗိုလ်ချုပ်ကြီးတွေလို"အမျိုးဂုဏ်၊ ဇာတိဂုဏ် မြင့်မားရေး" ဆိုပြီး ဘုရားစာရွတ်သလိုရွတ်နေခဲ့တာမျိုး မဟုတ်ပါဘူး။ဒီတော့.... VIP ခရီးစဉ်နဲ့ ဘယ်လိုပုဂ္ဂိုလ်ပဲလာလာ... သမ္မတဖြစ်စေ... သံအမတ်ပဲဖြစ်စေ... အိမ်ရှေ့မင်းသားပဲ ဖြစ်စေ... ကျနော်တို့ မြန်မာတွေထဲကပဲ အထူးတာဝန်အဖြစ်နဲ့ တာဝန်ကျခဲ့ပါတယ်။( မြန်မာတွေချည်းပဲ လုပ်ရတယ်လို့ ဆိုလိုတာ မဟုတ်ပါဘူး) ဒီလို အရေးပါ အရာရောက်တဲ့ ပုဂ္ဂိုလ်တွေ စီးတဲ့လေယာဉ်က အမှားမခံနိုင်တဲ့ အတွက်ကြောင့် အလုပ်လုပ်တာ သေချာပြီး အင်္ဂလိပ်လိုအပြောလည်း အဆင်ပြေတဲ့ မြန်မာလူမျိုးတွေကို ထည့်တာပါလို့ senior တွေက ပြောခဲ့တာပါ။အဲဒါကြောင့် ကျနော်တို့အလုပ်နဲ့ ပါတ်သက် ဆက်နွယ်မှုရှိလို့ ထိပ်သီးပုဂ္ဂိုလ်တွေနားကို အနီးနားထိ ကပ်ခွင့်ရခဲ့တာပါ။ ကျနော်တို့က မိုးပျံအောင်လည်း မတော်သလို... အရာရောက်ခဲ့တဲ့ သူတွေလည်း မဟုတ်တဲ့အကြောင်း ရိုးသားစွာ ပြောရပါတယ်။ ကိုယ့်တိုင်းပြည်မှာ အလုပ်အကိုင် အခွင့်ရေး ရှားပါးလို့ ပြည်ပမှာ လာအလုပ်လုပ်ရပါတယ်။ကျနော်တစ်ခု စဉ်းစားမိဖူးပါတယ်။ Changi Airport မှာ နိုင်ငံခြားသားအဖြစ်နဲ့ အလုပ်လုပ်နေတဲ့ ကျနော်တို့ မြန်မာတွေက နိုင်ငံတကာက လာဖူးတဲ့ သမ္မတတို့၊ သံအမတ်တို့ အစရှိသဖြင့် VIP လေယာဉ်တွေမှာ အနားကပ်ရုံတင်မကဘဲ လိုအပ်ရင် လိုအပ်သလို သူတို့နားနေခန်းထိ အစစ်ဆေးမခံရဘဲ ယုံကြည်စွာ ဝင်ထွက်ခွင့် ရခဲ့ဖူးပါတယ်။ ( မည်သူမဆို ဖိနပ်ချွတ် တက်ရပါတယ်။ ကျနော်တို့ safety shoe တွေက ညစ်ပတ်ဟန်ရှိလို့ တူပါတယ်။ )တစ်ခုထူးခြားတာကဘယ်တိုင်းပြည်က လာသလဲလို့ အမေးခံရတဲ့အခါ.... မြန်မာလို့ ပြန်ဖြေပြီးရင်... မြန်မာကို သိထားတဲ့ သူအချို့က တဆက်တည်း "အောင် ဆန်း စု ကြည်" လို့ အသံဝဲဝဲလေး အားရဝမ်းသာ နှုတ်ဆက်ခံရလို့ ဝမ်းသာအားရ ကျေနပ်ခဲ့ရပါတယ်။( လာသမျှ သူတွေထဲမှာ မြန်မာနိုင်ငံကို မသိတဲ့သူတွေလည်းမကြာခဏ တွေ့ရလေ့ ရှိခဲ့ပါတယ် )။
ုပြီးတော့... သူတို့ရဲ့ အဆင့်အတန်းကို မြင်တွေ့ရတာပါပဲ။ ကျေးဇူးတင်စကားကို ယဉ်ကျေးပျူငှာစွာ ပြောတတ်ကြပါတယ်။ဒါက တခြားတိုင်းပြည်က VIP ဆိုတဲ့ သူတွေရဲ့ ဆက်ဆံတဲ့ အနေအထားကို ပြောပြတာပါ။ အထူးခြားဆုံးကတော့ လူတိုင်းအပေါ်မှာတပြေးညီဆက်ဆံတဲ့အမူအကျင့်က သူတို့အားလုံး သွားတူနေတာပါပဲ။SG ကို သမ္မတ ဦးသိန်းစိန် နှစ်ခါလာတာ ကြုံဖူးပါတယ်။ ကျနော်နဲ့က ဘယ်လိုရေစက်လည်းတော့ မသိဘူး။ နှစ်ခါလုံး သူစီးလာတဲ့ လေယာဉ်မှာ တာဝန်ချထားခြင်းခံရပါတယ်။ ဒီနေရာမှာ တစ်ခုလောက် ထည့်ပြောချင်တယ်။ VIP လာရင် ဘယ်ပုဂ္ဂိုလ်လာမယ်ဆိုတာ ကြိုပြောလေ့ မရှိခဲ့ပါဘူး။ လုံခြုံရေးအရ ဖြစ်ဟန်တူပါတယ်။Parking Bay ရောက်မှ သိရလေ့ရှိခဲ့တာပါ။အဲဒါကြောင့်... သမ္မတဦးသိန်းစိန် လာမယ်ဆိုတာလည်း မသိခဲ့ရဘူး။ ဒါပေမယ့်... သူလာရင် ထူးခြားလေ့ ရှိပါတယ်။ အဲဒါ... ဘာလဲဆိုရင် တာဝန်ကျ လုံခြုံရေးရဲက ရေကုန်ရေခမ်း လူမြင်မကောင်းအောင် တစ်ကိုယ်လုံးကိုရှာဖွေခံရတော့တာပါပဲ။ ဒီနေရာမှာ သမ္မတလုံခြုံရေး ဒီလောက်တော့ ရှိမှာပေါ့လို့ ပြောခဲ့ရင်လည်း "စ"လုံးကကျနော်တို့ senior တွ ပြောသလို ပြောလိုက်ရမှာပဲ။ ဒါက Singapore တဲ့။ တခြားနိုင်ငံက သမ္မတက no problem တဲ့။ မင်းတို့ သမ္မတက problem တဲ့။ မင်းတို့ သမ္မတက မင်းတို့ကို မယုံဘူးတဲ့လေ။ ပြီးတော့ ဆက်ပြောလိုက်သေးတယ်။
မင်းတို့သမ္မတက စီးပွါးရေးလုပ်တဲ့ ခေတ်သစ် "မာကိုပိုလို" လားတဲ့။ သူလာရင် လက်ဆောင်တွေက အများကြီး ပါလာနေကျတဲ့လေ။ Flight တစ်စီးလုံး no space ဆိုပဲ။ တခြားနိုင်ငံက သမ္မတတွေလာရင် ဘာမှမပါဘူးတဲ့လေ။ "စ"လုံးက လူတွေပေးတဲ့ သမ္မတ ဦးသိန်းစိန်အတွက် ဂုဏ်ပုဒ်ပေါ့နော်။ သနားပါတယ်... ဦးလေးသိန်းစိန်အတွက် ( ဆရာဦးလွဏ်းဆွေ လေသံကို ခဏငှားသုံးသည်။ )အာ့လည်း သမ္မတ ဦးသိန်းစိန် မသိတာပဲ ကောင်းပါတယ်။ သိရင်လည်း ထုံးစံအတိုင်း မျက်နှာပြောင်တိုက်မှာ ကျိန်းသေပဲ။ ဘယ်သူ ဘာပြောပြော သူနားမလည်ဘူးလေ။ထုံးစံအတိုင်း ခေါင်းလေး ငြိမ့်ပြီး သူရီပြနေကျလေ။သူများပြောတဲ့ သူ့အကြောင်း သူပြန်မကြားဘူးဆိုတော့... နေရထိုင်ရ သက်သာသွားမှာပေါ့။ ပြောတဲ့သူကလည်း လွယ်လွယ်ကူကူပြော.... မကြားတဲ့သူကလည်းမကြားလို့ သက်သာသွားခဲ့ပေမယ့်... အားလုံးကို ကြားသိလိုက်ရတဲ့ကျနော်တို့ကတော့အထူးစိတ်မကောင်းဖြစ်ပြီး ဝမ်းနည်းရတယ်လေ။"မင်းတို့ သမ္မတ မင်းတို့ကို မယုံဘူးတဲ့...."။ လုပ်ဖော်ကိုင်ဘက်ချင်း တီးတိုးပြောတာဆိုပေမယ့်... အရှက်ကွဲပြီး ဖီးလ်ငုပ်တာပေါ့ဗျာ...။ ဒါပေမယ့်... နေသားကျနေတဲ့ ကျနော်တို့ ဘာမှပြန်မပြောဖြစ်ခဲ့ပါဘူး။ ပြောမိရင်လည်း သူတို့ကတော့ ပြင်မှာမဟုတ်ဘူး။ ကိုယ်ကတော့ ထောင်ထဲရောက်မှာကျိန်းသေသလောက်ပဲ။ အကြည်ညိုပျက်စေမှုဆိုပြီး ခေါင်းစဉ်တက် ခံရမယ်လေ။လူအများက သမ္မတ ခရီးစဉ်ကို ခရီးစဉ် အဖြစ်နဲ့သာ သိထားခဲ့ကြပေမယ့်... သူပါတ်သက်ခဲ့တဲ့ပတ်ဝန်းကျင်ရဲ့ အသံတွေနဲ့ သဘောထားတွေကို လူတွေက မသိလိုက်တာတွေ အများကြီး ရှိခဲ့ကြတယ်ဟလား။ အာ့ကြောင့် ဒီအကြောင်းလေးကို ရေးမိတာပါ။
အစကတော့... ငါစင်္ကာပူလူမျိုးကွလို့ ပြောပြီး မာန်တက်နေတဲ့သူတွေ complain ထိမှာကြောက်ပြီးပြာယာခက်နေတာကိုမြင်ရတော့ စိတ်ထဲမှာကြိတ်ပြီး ဝမ်းသာနေခဲ့ပေမယ့်... သမ္မတချင်း တန်းကိုကြည့်ပြန်တော့ ငါတို့ သမ္မတက သူများမလေးစားတဲ့အပြင် အပြောခံ၊ ကဲ့ရဲ့ခံ သမ္မတအဖြစ်နဲ့ ဝဋ်ကြွေးပဲ ပါလေရောသလားလို့တွေးပြီး မြန်မာသမ္မတ တစ်ယောက်ရဲ့ အဖြစ်ကို သနားမိတော့တယ်။
ပြီးတော့..... ကျနော်တို့ မလုပ်လိုက်ရတဲ့ VIP လေယာဉ်နှစ်စီး ဆိုတာကလည်း အိုဘားမား လာတုန်းက တစ်ခါနဲ့ အမေစုလာတုန်းက တစ်ခါပေါ့။ အိုဘားမားကို စိတ်မဝင်စားပေမယ့် အမေစုလာတုန်းက အဲ့လေယာဉ်ကို လုပ်ချင်လွန်းလို့ တာဝန်ရယူချင်လို့ သွားတောင်းတာတောင် မရခဲ့ဘူး။ ရုံးထဲက senior တွေကိုယ်တိုင်ထွက်ကြိုချင်ကြတယ်လေ။သူတို့တွေလည်း အမေစုလာတဲ့ VIP ခရီးစဉ်မှာ လုပ်ချင်လွန်းလို့ ပြာယာခက်ပြီး စိတ်လှုပ်ရှားနေတဲ့ သူတို့အဖြစ်။ ကျနော်တို့ကလည်းလုပ်ချင်လွန်းလို့ သူ့ထက်ငါ ဦးရလေအောင် စိတ်လှုပ်ရှားနေရတာလည်း ကျနော်တို့အဖြစ်။ ပြီးတော့... VIP ခရီးစဉ်ဆိုတာ လုံးဝအမှားမခံဘူး။ complain ထိရင် service လုပ်တဲ့ သူတွေပါမကဘဲ အဲ့တာဝန်ကိုချပေးတဲ့ Senior ကအစ ဖြေရှင်းပြီး တာဝန်ယူပေးရတာ။ အများသောအားဖြင့် အလုပ်ပြုတ်တာမျိုးလေ။ အဲဒါကြောင့် တာဝန်ကြီးတယ်ပေါ့ဗျာ.....။ တချို့လေယာဉ်တွေမှာဆို VIP က ပြသနာ မရှာပေမယ့် Pilot က ပြသနာရှာတာမျိုးခံရတယ်လေ။ ဒါက Ramp Service လုပ်တဲ့ Changi လေယာဉ်ကွင်းထဲက ဘယ်သူမှ မသိတဲ့ ကျနော်တို့တွေရဲ့ အဖြစ်ပါ။ဘယ်နိုင်ငံက လာတဲ့လေယာဉ် ဖြစ်ပါစေ... ကျနော်တို့နဲ့ လွှဲထားပြီး... ကျနော်တို့ လူထုခေါင်းဆောင်လာမှ ကျနော်တို့ လုပ်ခွင့်မရတာ ဘာကြောင့်ဘာလဲလို့ Senior တွေကို မကျေမနပ်နဲ့ မေးကြည့်တော့..... သူတို့ အပြောကို သဘောကျမိတယ်။
မင်းတို့ ခေါင်းဆောင်က မင်းတို့ပြန်ရင်မင်းတို့တိုင်းပြည်မှာ အချိန်မရွေး တွေ့လို့ရတဲ့အကြောင်း၊ သူတို့က အခု အမေစုလာတုန်းပဲ မြင်တွေ့ခွင့်ရှိကြောင်းနဲ့နိုဗယ်ဆုရှင်ဖြစ်ကြောင်း.... သူ့ရဲ့အဖေဟာလည်းလွပ်လပ်ရေးယူပေးခဲ့တဲ့(ဗိုလ်ချုပ်အောင်ဆန်း) ဆိုတဲ့ လွပ်လပ်ရေး ဖခင်ကြီးဖြစ်ကြောင်း၊ နိုင်ငံတကာက ပေးတဲ့ဆုတွေအများကြီး ရထားတဲ့သူတစ်ယောက်ဖြစ်ကြောင်းနဲ့ လေးစားရလွန်းလို့ သူတို့လည်း တွေ့ပါရစေဆိုပြီး အားရပါးရပြောတာလေးကို ကြားရတာ ဂုဏ်ရှိလိုက်တာ။
ဒါတင်မကသေးဘဲ သူတို့ရဲ့ "ပါရစေ"ဆိုတဲ့ အသုံးအနှုန်းလေးကို ပိုပြီးကျေနပ်မိတာပါ။ဖြစ်များဖြစ်နိုင်ရင်.... သူတို့ပြောတဲ့ သူတို့ရဲ့ ရင်ခုန်သံ အမေစုအကြောင်းနဲ့ သမ္မတ ဦးသိန်းစိန်အကြောင်း ဘယ်လောက်ကွာခြားလည်းဆိုတာ ကြားစေချင်လိုက်တာ။ ကျနော်တို့ မလုပ်ရတဲ့ လေယာဉ်နှစ်စီးကလည်း အဲ့နှစ်စီး။ အရာရှိတွေကိုယ်တိုင် ထွက်ကြိုတဲ့ လေယာဉ်နှစ်စီးကလည်း အဲ့နှစ်စီးပဲ ရှိခဲ့တယ်။ အဲဒါ Changi Airport မှာလာတဲ့ အထူးခြားဆုံးနဲ့အရေးပါဆုံး အရေးပေးခံရဆုံး လူနှစ်ယောက်ရဲ့ အကြောင်းနဲ့ သမ္မတ ဦးသိန်းစိန်တို့ရဲ့ တင့်တယ်ပုံချင်းကွာခြားချက်ကို နိုင်ငံခြားသားတွေရဲ့ မတူကွဲပြားသော အမြင်ကို ကိုယ်တွေ့ ကြုံခဲ့သမျှ ပြန်လည် မျှဝေခြင်းပါ။
Credit > Naung Naung Thu